Өлкөдө COVID-19 жуккандардын саны азайбай жатат... Абал боюнча тексттик баяндама

Жонс Хопкинс Университетинин маалыматы боюнча, дүйнө жүзүндө жалпы 3 млн. 766 миӊ 394 адам коронавируска чалдыккан. Алардын ичинен 263 миӊ 983 адам каза болду.

 АКШ – 1 228 609 (каза тапкандар – 73 431)

 Испания – 220 325 (каза тапкандар – 25 857)

 Италия – 214 457 (каза тапкандар – 29 684)

 Улуу Британия – 202 359 (каза тапкандар – 30 150)

  Россия – 177 160 (каза тапкандар – 1 625)

 Франция – 174 224 (каза тапкандар – 25 812)

 Германия – 168 162 (каза тапкандар – 7 275)

Түркия – 131 744 (каза тапкандар – 3 584)

 Бразилия – 126 611 (каза тапкандар – 8 588)

 Иран – 101 650 (каза тапкандар – 6 418)

Жон Хопкинс университетинин маалыматы боюнча Кытай COVID-19 жуктургандар жана каза болгондор боюнча топ-10 өлкөдөн чыкты.

 Китай – 83 970 (каза тапкандар – 4 637)

   Маалыматты Республикалык штаб даярдап, таратты

Өкмөт Эл аралык валюта фондунан алынган 120,85 миллион доллар насыя кайда жумшалганы туурасында маалымат берди.

Ага ылайык, аталган сумманы улуттук валютага алмаштырганда (8-апрелдеги курс менен 84,87 сом) 10 миллиард 256,6 миллион сомду түзгөн. Ошол эле учурда 490,8 миллион сом курстук айырма республикалык бюджеттин кирешеси катары чагылдырылды.

Бүгүнкү күндө алынган каражаттын 8 миллиард 896,8 миллион сому төмөнкү багыттарга жумшалды:

• айлык акыга — 3 миллиард 994,4 миллион сом;
• 
  социалдык керектөөлөргө — 468,7 миллион сом;
• 
  Социалдык фондуга чегерүүгө — 1 миллиард 834 миллион сом;
• 
  Милдеттүү медициналык фондуна чегерүүгө — 1 миллиард 210,0 млн сом;
• 
  теңдөөчү чегерүүлөргө —160,8 миллион сом (жергиликтүү өз алдынча башкаруу органдарынын эмгек акысы);
• 
  калкты социалдык жактан камсыздоо жана көмөк көрсөтүү боюнча жөлөк пулга — 869,2 миллион сом;
• 
  медициналык товарларга жана кызмат көрсөтүүлөргө — 106,3 миллион сом;
• 
  стратегиялык запастарга — 53 миллионн сом (Мамлекеттик материалдык резервдер фонду тарабынан эгин алууга);
• 
  муктаж үй-бүлөлөргө азык-түлүк алууга —100,4 миллион сом.

Мунун жыйынтыгында Эл аралык валюта фондунан алынган каражатынын 1 миллиард 359,8 миллион сому калды. Өкмөт аны май айындагы республикалык бюджеттин социалдык маанилүү чыгымдарына жумшай турганын айтат.

 Бул тууралуу шаардык муниципалдык автоунаа ишканасынын жетекчиси Талантбек Капаров Sputnik Кыргызстан агенттигине билдирди.
Анын айтымында, ишкана карантиндин эреже талаптарын сактоо менен бирге кырдаалга жараша иш алып барат.
Маалыматка ылайык, коомдук транспорт эртең менен саат 7:00дөн кечки 20:00 гө чейин иштейт.

"Учурдагы кризис шаардыктардын экономикалык абалына таасирин тийгизди. Аларда туруктуу кирешеси жок болгондуктан акча каражаттарынын камы түгөндү. Ошондой эле борбор калаанын калктуу конуштарында жашаган аярлуу калктын бөлүгү туруктуу эмгек акысы же тийиштүү камы жоктугуна байланыштуу азык-түлүк сатып алуу мүмкүнчүлүктөрү жетпей жатат”, - деп билдирди Бишкектин вице-мэри Алмаз Бакетаев.

Анын айтымында, булардын бардыгын эске алып, жардамга муктаж болгон үй-бүлөлөргө тамак-аш жана ун түрүндө гуманитардык жардам көрсөтүлдү. 90 миңден ашык адамга жалпы суммасы 50 млн. сомго жакын гуманитардык жардам таркатылган.

“Бишкекте бүгүнкү күнгө карата 3 836 чарбалык субъект өзүнүн ишмердүүлүгүн улантууда, алдын ала маалыматтарга ылайык мында 83 миӊ 280 адам иштейт”, - деп билдирди Бишкектин биринчи вице-мэри Алмаз Бакетаев.

Анын айтымында, ӨА режими киргизилгенден бери 71 миӊ 531 чарбалык субъект ишин токтотуп, алдын ала маалыматтар боюнча 154 миӊ 784 адам убактылуу жумушсуз калган.

Бул туурасында саламаттык сактоо министринин орун басары Нурболот Үсөнбаев брифинг учурунда билдирди.

Анын айтымында, бүгүнкү күндө укук коргоо органдарынын 27 кызматкери коронавируска кабылган. Соңку жети учур 3-майда Нарын облусунан катталган.

“Алар дагы медицина кызматкерлери сыяктуу жумуш учурунда жуктуруп алууда. Ар бир учур боюнча эпидемиологиялык иликтөө жүргүзүлүп, тобокелчиликтердин себеби, жумуштагы шарттары аныкталат. Ошого карап дагы башкалар жуктуруп албашы үчүн биз болушунча эртерээк коргонуу эрежелерин бергенге аракет кылабыз”, — деди Үсөнбаев.

 Бишкек ш. – 2
Чуй облусу - 4
Ош облусу - 3
Жалал-Абад облусу - 3
Нарын облусу - 12

“Чаткалдын жашоочуларына оору жергиликтүү элден эмес, сырттан киргендерден тараган. Тагыраагы, тажыяга баргандардан жуккан.  Бишкектен дагы барышкан. Ошол жерге коронавирусу бар кишинин барып калышы, оорунун жайылышына себеп болгон. Сөөк коюуга келген жергиликтүү жашоочулардын толук  атын-жөнүн, даректерин тактап чыгып, көзөмөлгө барып, иш алып барылып жатат”, - деди Үсөнбаев.

“Ооруну жуктурган медиктердин 70 пайыздан ашыгы  айыгып, ишке чыкты. Аларга берилген обсервациялык мөөнөт аяктап калды. Коронавирус жалпысынан  224 медицина кызматкерине жуккан болсо, алардын 30 пайызы учурда дарыланып жатат”, - деди Үсөнбаев.

“895 адамдын, тагыраагы коронавируска чалдыккандардын негизгилеринин кайдан жукканы такталган. Алардын арасында акыркы 51 учурдун ооруну кайдан жуктуруп алганын тактап жатабыз. Бул иш өзүнүн логикалык жыйынтыгына чейин уланат”, - деди Үсөнбаев.

"17-апрелде эне менен бала аталган жайда дарыланган. Чыккандан кийин Бишкекте бир канча күн болгон. Андан соң  Тогуз-Торого кирип баратканда текшергенде коронавирус чыккан. Маалымат Бишкекке түшүп, бөлүмдөгүлөр, стационарда жаткандар текшерилген. Жыйынтыгында баш-аягы 7 кишиден оору чыккан", - деди Үсөнбаев. 

Үсөнбаев: медик иш үстүндө коронавирусту жугузуп алган болсо, ага  200 миң сом компенсация каралган. Медицина кызматкери каза болуп калса, 1 млн. сом чегиндеги компенсация каралган.