Кыргызстанды каптаган COVID-19 боюнча акыркы кабарлар: текст, сүрөт

"Учурда Нарын облусу боюнча 3 чоң тосмо иштеп жатат. Кочкор районунда “Сары-Чат”, Жумгал районунда “Арал”, Ак-Талаа районунда “Актал-Чат” тосмолору. Аймактарга кирүүгө катуу көзөмөл жүргүзүлүп жаткандыктан, эгерде жарандарда негиздүү себеп болбосо аларды киргизишпейт”, - деп билдирди Өкмөттүн Нарын облусундагы ыйгарым укуктуу өкүлү Эмилбек Алымкулов.

"Бүгүнкү күндөн тартып Чаткал районуна жарандарды киргизүүгө тыюу салдык. Чаткалда коронавирус илдетине кабылган 7 учур катталган. Андан улам жергиликтүү элге медицина кызматкерлери жана жергиликтүү бийлик түшүндүрүү иштери жүргүздү”, - деп билдирди Өкмөттүн Жалал-Абад облусундагы ыйгарым укуктуу өкүлү Нурболот Мирзахмедов.

Кыргызстан жана Казакстандын президенттери Сооронбай Жээнбеков менен Касым-Жомарт Токаев бүгүн телефон аркылуу коронавирус инфекциясынын жайылышына жол бербөө боюнча сүйлөштү.

 "Жээнбеков жана Токаев мындан ары коронавирус инфекциясынын жайылышына жол бербөө боюнча биргелешкен чараларды өткөрүү маселеси боюнча пикир алмашты", - деп айтылат маалыматта.

"Өзгөчө кырдаал жана Өзгөчө абал мезгилинде саламаттыкты сактоо системасында аралыктан иштеген мамлекеттик кызматкерлерге төлөнчө каражат боюнча төмөнкчү түшүндүрөт.

Алардын эмгек акылары маянасына кошумча класстык чин жана иштеген жылдары үчүн, илимий даражасы, бийик тоолуу шарттарда жана алыскы аймактарда иштеген учурлары эске алынып төлөнүп берилет", - деп билдирди Республикалык штаб министрликке таянып.

«Бишкекте коронавируска чалдыккан 231 бейтаптын ичинен 190 адам шаардык каттоодогу даректер боюнча жашайт, 41 адамдын каттоосу башка шаарларда. Алардын арасынан 69 адам 16 калктуу конушта турат», - деп билдирди Бишкектин вице-мэри Татьяна Кузнецова.

Анын айтымында, COVID-19 вирусун жуктургандардын көбү Ленин районунда.
Ленин районунда – 82 адам
Октябрь районунда – 45 адам
Биринчи май районунда – 41 адам
Свердлов районунда – 21 адам.

Кыргызстандын күч түзүмдөрүнүн 17 аскеринен коронавирус катталып, учурда ооруканада дарыланууда. Бул туурасында Коомдук саламаттык сактоо башкармалыгынын башчысы Айнура Акматова билдирди.

"Буга чейин күч түзүмдөрүнүн аскерлеринин ичинен коронавирус менен 20 учур катталган. Алардын жарымы Республикалык клиникалык инфекциялык ооруканага жатып, жакшы болуп чыккан, дагы 10 адам калган. Бирок кечээ дагы жети кызматкерди алып келишти", - деп билдирди Акматова.

Бир катар такси айдагандар санитардык-эпидемиологиялык эрежени сактабай, сулуулук салондору, чач тарачтар бет капсыз иштеп жатышат. Андыктан юридикалык, жеке тараптар жоопко тартылат. Бул туурасында Бишкек шаарынын коменданты Алмазбек Орозалиев маалымат жыйында билдирди.

Ал ишкердик жайлардын кожоюндарына кайрылып, санитардык-эпидемиологиялык талаптарды катуу сактоону өтүндү.

"Такси кызматтарынын бир эмес, экиден киши ташып бара жатканын көрүп жатабыз. Мындай болбойт, башкаларга оору жугузасыңар. Абал бизден ушуну талап кылып жатат. Жоопкерчиликсиз мамиле менен инфекциянын экинчи толкунун жаратып алабыз", - деди Орозалиев.

Кыргызстан боюнча акыркы суткада 15 жашка чейинки алты бала коронавирус жуктуруп, алардын жалпы саны 113кө жетти. Бул тууралуу Коомдук саламаттыкты сактоо башкармалыгынын башчысы Айнура Акматова брифинг учурунда билдирди.

 "15 жашка чейинки балдар арасында вирус жуктургандардын саны — 113. Алардын ичинен бир жашка чейинки бөбөктөр алтоо. 16-19 жаштын ортосундагы улан-кыздар — 24", — деди Акматова.

 Бишкек ш. – 26
Чуй облусу - 2
Нарын облусу – 1
Жалал-Абад облусу - 5
Баткен облусу - 1

 Жалал-Абад облусунда – 2

Бишкек шаарында – 6

Нарын облусунда – 1