Кыргызстандагы коронавирус боюнча тексттик баяндама. Оору каптаган 41-күн

Мекендештер Афганистандын авиакомпаниясынын коммерциялык чартердик каттамы менен Казакстандын жарандарына кошулуп Алматыга келишкени айтылат.

Андан бери КРдин медицина кызматкерлеринин коштоосунда атайын транспорт менен Бишкекке жеткирилген. Учурда баары өлкөдөгү медициналык жайлардын бирине обсервацияга жаткырылды.

Маалыматтарды Республикалык штаб топтоду.

Бир жолу колдонулуучу костюмдар – 46 523 даана;
Көп жолу колдонулуучу костюмдар – 20 797 даана;
Респираторлор – 58 475 даана;
Бир жолу колдонулуучу беткаптар – 1 110 613 даана.

Коронавирус пандемиясынын шарттарында ар кандай фонддордон, юридикалык жана жеке жактардан саламаттык сактоо уюмдарынан гуманитардык жардам келип түшкөн.

2020-жылдын 23-апрелине карата саламаттык сактоо уюмдары гуманитардык жардам катары төмөнкүлөрдү алышты:
 6300 коргоочу костюм,
 113 933 бир жолу колдонулуучу беткап,
 4030 респиратор,
 17 тез жардам унаасы,
 34 кычкылтек концентратору,
 1172 жуп коргоочу көз айнек,
 7 керебетке бекитилүүчү монитор,
 5 жасалма дем алдыруу аппараты.

Бул туурасында Республикалык штабдан билдиришти. 

"Бүгүнкү күндө Милдеттүү медициналык камсыздандыруу фондунун маалымат базасында 1234 бейтап гемодиализ кызматын алып жатат. Кызмат көрсөтүү үчүн жыл башынан бери 235 млн. сом төлөнүп берилген. 2020-жылы гемодиализ кызматтарын төлөөгө 682,7 млн. сом каралган",- деп билдирди  ММК фондунун төрайымы Элнура Боронбаева маалымат жыйын учурунда.

Анын айтымында, гемодиализ кызматтары 20 жеке жана 4 мамлекеттик ооруканаларда көрсөтүлөт.

Карантин режими эки-үч айга чейин уланат, муну ар бир жаран мээсине куюп, даяр болушу керек. Бул тууралуу Жалал-Абад облустук медициналык штабдын орун басары, дарыгер Урматбек Боржиев маалымат жыйында билдирди.

Ал түз эфирден жарандарга кайрылып, коронавирустан сактануу эрежелерин эскертти.

“Урматтуу кыргызстандыктар, бул илдет жеңил көрүнгөнү менен аябай кооптуу. Саламаттык сактоо кызматын эмес, бүт жашообузду, экономикабызды өзгөрткөн илдет болуп жатат. Карантин эки-үч айсыз бүтпөй турганын ар бир адам мээсине куюп алышы керек. Абал эки-үч айда толук турукташканга чейин үйдө отуруш керек”, — деди Боржиев.

Жонс Хопкинс Университетинин маалыматы боюнча, дүйнө жүзүндө жалпы 2 млн. 971 миӊ 639 адам коронавируска чалдыккан. Алардын ичинен 206 миӊ 542 адам каза болду.

 АКШ – 965 910  (каза тапкандар – 54 876)

 Испания – 226 675 (каза тапкандар – 23 190)

 Италия – 197 675  (каза тапкандар – 26 644)

 Франция – 162 220  (каза тапкандар – 22 890)

 Германия – 157 770  (каза тапкандар – 5 976)

 Улуу Британия – 154 037  (каза тапкандар – 20 795)

  Түркия – 110 130  (каза тапкандар – 2 805)

 Иран – 90 481  (каза тапкандар – 5 710)

 Кытай – 83 912  (каза тапкандар – 4 637)

 Россия – 80 949  (каза тапкандар – 747)

Маалыматты аталган сайттан алып, Республикалык штаб даярдады. 

Ош облусу жана шаарында быйыл окуучулар экзамендерди дистанттык түрдө тапшырып, бүтүрүү кечелери өткөрүлбөйт. Бул туурасында Ош шаары жана Кара-Суу, Ноокат райондору боюнча комендант Малик Нурдинов маалымат жыйында билдирди.

Комендант мектеп жана университеттерде өтө көп адам чогулгандыктан кооптуулук алда канча жогорку экенин белгилөө менен дистанттык режимге көнүүгө чакырды.

“Мындан 10 күн мурда мектеп директорлору менен сүйлөшкөндө “жылдык баалар IV чейрегинин жыйынтыгы менен коюлат. Эгер үч чейрек начар окуп, мында жакшы окуса ошого каралат” деп айтышкан. Мамлекеттик экзамендер да дистанттык негизде өтөт. Муну менен окуучуларга аябай ыңгайлуу шарт түзүлүп жатат, мектепте такай көзөмөл болмок, үйдөн тапшырганда бардык окуу куралдары жанында. ЖРТ дагы ушундай өтүшү мүмкүн. Андыктан көп упай алганга аябай жакшы шарт түзүлүп жатат”, — деди Нурдинов.

15-жашка чейинки балдар — 84, анын төртөө бир жашка чыга элек ымыркайлар;
16-19 жаштагылар — 19;
20-35 жаштагылар — 191;
36-55 жаштагылар — 248;
56 жаштан жогоркулар — 153.

Бишкек шаарында — 164;
Ош облусунда — 160;
Жалал-Абад облусунда — 111;
Ош шаарында — 110;
Нарын облусунда — 86;
Чүй облусунда — 46;
Ысык-Көл облусунда — 10;
Баткен облусунда — 8;
Талас облусунда бир да учур катталган жок.

“Бүгүн айта турган жакшы жаңылыгым бар. Дарыгерлердин айтымында, ооругандарга караганда сакайгандардын саны бир топ өсө баштады. Дарыгерлердин жана башка тиешелүү тараптардын эмгеги текке кеткен жок го деп эсептейм. Оору менен ушундай духта күрөшүүнү уланталы”, - деди Бишкектин коменданты Орозалиев.

"13 кишинин экөө чет өлкөдөн келген. Бирөө Россиянын Соль-Илецк шаарында чек арада бир айдан кармалып тургандардын бири. Кыргызстанга киргенде лабораториялык анализ алынганда коронавирус чыккан. Экинчиси - Новогород шаарынан келгенден кийин сыркоолоп дарыгерге кайрылганда аныкталган. Анын үй-бүлөсүндөгү бир адамга жукканы белгилүү болду", - деди Үсөнбаев. 

Бишкек ш. – 6
Ош ш. – 1
Ош облусу - 1
Чуй облусу – 2
Нарын облусу - 1
Ысык-Көл облусу - 2

Кечээ кечинде жана 27-апрелге караган түнү республиканын өзгөчө абал режими киргизилген шаарлары менен аймактарында коменданттык саатты 80 киши бузуп, алты автоунаа атайын жайларга токтотулган.

 Коменданттык сааттын талаптарын бузгандардын саны:

Бишкек шаары — 66;
Жалал-Абад шаары — 5;
Ош шаары — 1;
Сузак району — 2;
Нарын шаары — 4;
Ат-Башы району — 2;

Ноокат жана Кара-Суу райондорунда эч ким тартипти бузган эмес.