АКШ визасын ала албаган Россия БУУдан арбитраждык териштирүүнү талап кылууда

© Sputnik / Максим Блинов / Медиабанкка өтүүФлаги США на здании посольства США
Флаги США на здании посольства США - Sputnik Кыргызстан
Жазылуу
БУУнун өкүлү белгиленген көйгөйдүн баарын башкы катчы Антониу Гуттерешке айтып барарын билдирди. Ал эми Россияны Кытай, Иран, Сирия, Белоруссия, Никарагуа колдоого алган.

БИШКЕК, 26-фев. — Sputnik. АКШнын чет элдик дипломаттарга виза бербегени боюнча маселени жөнгө салуу үчүн Россия БУУдан арбитраж процедурасын талап кылууда. Бул тууралуу РИА Новости жазды.

Шейшемби күнү уюмдун жыйыны өтүп, Россия тарап кайрадан аталган маселени көтөргөн.

"Россия жана БУУнун башка мүчөлөрү маселени жөн эле арбитражга берип коюуну эмес, анын ишин баштоону талап кылды", — деген агенттиктин маектеши.

БУУнун өкүлү белгиленген көйгөйдүн баарын башкы катчы Антониу Гуттерешке айтып барарын билдирди.

Россиянын бул позициясын Кытай, Иран, Сирия, Белоруссия, Никарагуа колдоого алган.

Виза көйгөйү

Декабрда БУУнун Генералдык ассамблеясы АКШны уюмдун иш-чараларына катыша турган делегаттарга визаны ыкчам түрдө берүүгө чакырган. Документте виза көйгөйү белгилүү бир мөөнөттө чечилбесе "Борбордук мекемелер боюнча Макулдашуунун 21-бөлүмүндө каралган чаралар колдонула турганы" айтылган. Бул жерде кеп БУУ менен АКШнын ортосундагы талаш маселелерди арбитраж аркылуу чечүү тууралуу болуп жатат.

Визит премьер-министра Израиля Биньямин Нетаньяху в Вашингтон - Sputnik Кыргызстан
"Кылым келишими" Трамп менен Нетаньяхуга, башкысы Россияга чоң жардам берет
АКШнын аймагында өтө турган эл аралык иш-чараларга катышчу россиялыктарга виза берүү көйгөйү 2014-жылы, Крым менен Донбасстагы окуялардан улам алаканын бузулушунан кийин башталган. 2015-жылы Америка Федерация кеңешинин төрайымы Валентина Матвиенкого чектөө каралган виза берип, мунун айынан ал Парламенттер аралык союзга мүчө мамлекеттердин парламент башчыларынын дүйнөлүк конференциясына катыша албай калган.

2017-жылы мындай кырдаалга АКШдагы элчиликке, консулдуктарга жана БУУнун алдындагы туруктуу өкүлчүлүктөргө жөнөтүлгөн россиялык дипломаттар кабылган. Андан соң мындай "соккуга" Нью-Йорктогу БУУнун Катчылыгына сапар алган россиялык делегаттар тушукту. 2019-жылы АКШ БУУнун Генералдык ассамблеясынын жыйындарында жана айрым комитеттеринде иш алып бара турган РФ өкүлдөрүнө виза берүүдөн баш тарткан.

Жаңылыктар түрмөгү
0