Казак бийлиги Кыргызстанга качкан жарандарына кайрылуу жасады

© AP Photo / Vladimir VoroninСотрудники правоохранительных органов Казахстана стоят на страже после беспорядков в приграничных селах Казахстана. 8 февраля 2020 года
Сотрудники правоохранительных органов Казахстана стоят на страже после беспорядков в приграничных селах Казахстана. 8 февраля 2020 года - Sputnik Кыргызстан
Жазылуу
Кордайдагы массалык башаламандыктан улам төрт миңден ашуун жаран үйүн таштап Кыргызстан тарапка агылган.

БИШКЕК, 9-фев. — Sputnik. Казакстандын вице-премьери Бердибек Сапарбаев Кыргызстанга качкандарды мекенине кайтууга чакырды. Бул туурасында ал Сортөбе айылынын тургундары менен жолугушууда айтканын Sputnik Казакстан агенттиги жазды.

Белгилей кетсек, 7-8-февраль күндөрү Кордайдагы массалык башаламандыктан улам төрт миңден ашуун жаран үйүн таштап Кыргызстан тарапка агылган.

“Эң башкысы, түн тынч өттү. Кудай кааласа, мындан кийин да ушундай болот. Биз облус акими менен бирге аялдар менен балдардын кайтып келе жатканын көрдүк. Сиздердин мекениңиздер Казакстан, элге кайтуу керек! Биз 150 жыл бою ынтымак менен достукта өмүр сүрүп келгенбиз. Жашообуз жакшы, объектилер салынып жатат, баарынын баш паанасы бар”, — деп айткан вице-премьер.

Ошондой эле ал 27 адам ооруканада, бешөө Алматыда экенин белгиледи. Экөөнүн абалы оор, он киши бүгүн үйүнө жиберилген.

“Үйү өрттөнүп кеткен тургундарга материалдык компенсация төлөнөт. Облус акими аларга үй-жай даярдап жатат, азык-түлүк менен да камсыз болушат. Малы жана автоунаасынан ажырагандар да компенсация алат”, — деп айткан Сапарбаев.

Ал эми жергиликтүү тургундар ушул күнгө чейин туугандарын таба албай жатканын айтышкан.

Масанчидеги мушташ

Беспорядки в приграничном селе Масанчи - Sputnik Кыргызстан
Казакстанда Масанчи жана Сортөбе айылдары мушташтан кийин бош калды. Сүрөт
7-февралда Казакстандын Жамбыл облусундагы Масанчи айылында жергиликтүү тургундар ортосунда массалык мушташ болгон. Башаламандыктын кесепетинен 11 адам каза болуп, 50дөй киши жаракат алган. Андан тышкары, 30 үй, 15 соода имараты, 23 автоунаа талкаланган.

Мындан улам аталган айылдарда жашаган 4 миңден ашуун киши Кыргызстандын аймагына өтө качкан. Кайра 9-февралда 1000ден ашуун адам үйүнө кайтканы кабарланды.

Учурда айылдар ээн калды, үйлөрдө электр энергиясы жана интернет жок.
Аталган окуя боюнча Казакстан Республикасынын Кылмыш кодексинин эки беренеси боюнча ("Массалык башаламандыкты уюштуруу жана катышуу" жана "Адам өлтүрүү") сотко чейинки тергөө иштери башталды.

Массалык башкаламандык боюнча 47 адам кармалып, алардан эки аң уулоочу мылтык алынган.

Жаңылыктар түрмөгү
0