БИШКЕК, 1-фев. — Sputnik. Улуу Британия Европа биримдигинен расмий түрдө чыкты. Бул тууралуу РИА Новости жазды.
Европарламент өлкөнү катардан чыгаруу маселеси боюнча 31-январь күнү добуш берди. Депутаттар британ парламенти кабыл алган келишимди жактырды.
Ошентип Британия Евробиримдиктен расмий түрдө 31-январь күнү саат 23.00дө чыгып кетти.
Өлкөнүн премьери Борис Жонсондун айтымында, мындай чечимдин максаты Британияны эгемендүүлүк жолу менен алдыга жылдыруу.
Буга чейин Улуу Британиянын ханышасы Елизавета II Европа биримдигинен чыгуу боюнча мыйзам долбооруна кол койгон.
