Бишкекке дагы бир илбирсти алып келишти. Жырткычтын сүрөт, видеосу

© Фото / пресс-служба немецкого Союза охраны природы в Кыргызстане (NABU)Обнаружение снежного барса в Джумгальском районе
Обнаружение снежного барса в Джумгальском районе - Sputnik Кыргызстан
Жазылуу
Ветеринарлар илбирстин үч тишинин жоктугу анын жаратылышта өз алдынча аңчылык кыла албай турганынан кабар берерин айтышты.

БИШКЕК, 11-янв. — Sputnik. Бишкекке Жумгал районунан дагы бир илбирсти алып келишти. Бул туурасында Германиянын Кыргызстандагы Жаратылышты коргоо союзунун маалымат кызматы (NABU) билдирди.

9-январда кызыл китепке кирген жаныбарды Кашка-Суу кыштоосунан жергиликтүү тургундар көрүп калып "Илбирс тобуна" кабарлашкан. NABU менен Айлана-чөйрөнү коргоо жана токой чарба мамлекеттик агенттигинин кызматкерлери жерине барып, жаныбарды сарайдан табышкан. 

© Видео / пресс-служба немецкого Союза охраны природы в Кыргызстане (NABU)Бишкекке Жумгал районунан дагы бир илбирсти алып келишти
Бишкекке дагы бир илбирсти алып келишти. Жырткычтын сүрөт, видеосу - Sputnik Кыргызстан
Бишкекке Жумгал районунан дагы бир илбирсти алып келишти

Сарайдын ээсинин айтымында, жырткыч бул жайдан алыс эмес жердеги кыштоодогу малга кол салганга аракет кылганда ага иттер асылган. Илбирс сарайга качып кирип, чыга албай калган. Жашоочу иттерди кубалап, тийиштүү кызматтарга байланышкан.

Жаныбарды 10-январь күнү кечинде Бишкектеги NABUнун кеңсесине алып келишкен. Ветеринар Бакыт Ажыбеков жаныбарды карап чыккан.

Анын айтымында, жырткыч болжолу менен 11-12 жашта — бул улгайган курак. Үч тишинин жоктугу анын жаратылышта өз алдынча аңчылык кыла албай турганынан кабар берет.

Ветеринар кошумчалагандай, жаныбардын абалы ортодон төмөн, ага жакшы кам көрүү жана дарыгерлердин көмөгү керек. Илбирс айланадагыларга ыркырап, стресс абалында жүрөт.

Зоопарк Чапультепек в Мехико, Мексика - Sputnik Кыргызстан
Таласта эл бактын башынан кармаган бала илбирске операция жасалды. Сүрөт, видео
"Илбирс тобунун" жетекчиси Жыргал Султанов билдиргендей, илбирсти иттер талаганын далилдеген белгилер жок.

Жаныбардын мындан кийинки тагдырын Айлана-чөйрөнү коргоо жана токой чарба мамлекеттик агенттиги чечет. Бирок адис илбирске дайыма кам көрүү керектигин, антпесе эркиндикте өлүп калышы мүмкүндүгүн белгиледи.

Буга чейин дагы бир илбирсти Таластан Бишкекке алып келишкен. Жаныбар бакка чыгып, бутактарга тыгылып калган. Кийинчерээк ал ок жегени белгилүү болгон. Ага Бишкектен операция жасалып, баш жагынан эле 60ка чукул чачма ок табылган. Бирок анын кареги адамдар кармаганга чейин эле агып калган. Илбирстин сол көзүнүн көрүшү да болжол менен 40 пайызды түзөт. Адистер кармалган илбирс эркек экенин, болжол менен эки жашка чыккандыгын айтышты.

Жаңылыктар түрмөгү
0