Жыл жаңырары менен күйөөсүнүн ур-токмогунан көз жумган эки келиндин окуясы коомчулуктун үрөйүн учуруп, талкууга жем таштады. Аны айтып бүткүчө болбой, Караколдо аялына бензин чачып өрттөгөн эркек кармалганы кабарланды. Бул аялдарга көрсөтүлгөн кордуктардын биз билген фактылары гана. Көмүскөдө калгандары канча?
ИИМдин маалыматы боюнча, жылына Кыргызстанда үй-бүлөлүк зомбулуктан жабыркаган беш миңден ашуун үй-бүлө мүчөсү кайрылат.
"Аялдардын, балдардын укугун коргош керек" деп айгай салган менен иш жүзүнө келгенде аткарылып жаткан иштер аздай сезилет. Коом кордук көргөн келиндерге кандай көмөк көрсөтө алат? Үй-бүлөдөгү зомбулуктун алдын алуу үчүн кандай иш-аракеттер көрүлүп жатат?
Sputnik Кыргызстан агенттиги бул темага тиешеси бар адистердин, эл өкүлдөрүнүн ой-пикирин угуп көрдү. Кайсы респонденттин пикири жакса, сүрөттүн оң жагындагы белгини басып, добуш берсеңиз болот.
