БИШКЕК, 10-янв. — Sputnik. 11-январь, ишемби күнү, кээ бир тоолуу өрөөндөрдө кар жаашы күтүлөт, калган аймактарда күн ачык болот. Бул тууралуу Кыргызгидромет маалымдады.
Чүй, Талас, Ош, Жалал-Абад, Баткен облустарынын кээ бир райондорунда туман түшүшү мүмкүн. Жолдор тайгак жана тоңголок болот. Батыштан соккон шамалдын ылдамдыгы секундасына 3-8 метрге жетет.
Билдирүүгө ылайык, абанын температурасы Чүйдө +2…+7, Таласта +1…+6, Ысык-Көлдө 0…+5, Ош, Баткен жана Жалал-Абад облустарында +3…+8 градус жылуу болсо, ал эми Нарын жергесинде -5…-10 градус суук болот.
Бишкек жана Ош шаарларында күн ачык болуп, ордо калаада күндүн табы +4…+6 градуска чейин көтөрүлсө, Ошто +6…+8 градуска дейре жетери айтылды.
