БИШКЕК, 26-дек. — Sputnik. Кокус 2020-жылы боло турган президенттик шайлоого Россия кийлигишип калса деп атайын тактика иштеп чыгып жаткан АКШ киберсогушка даярданып жатканын ачыктап койду. Мындай пикирин "Экономиканын жогорку мектеби" улуттук иликтөө университетинин дүйнөлүк экономика жана дүйнөлүк саясат факультетинин декан орун басары Андрей Суздальцев айтканын РИА Новости жазды.
Буга чейин Washington Post гезити өз маалымат булактарына таянып, АКШнын киберкомандачылыгы эгер Россия 2020-жылы өтө турган шайлоого кийлигише турган болсо россиялык аткаминерлерге жана бизнесмендерге каршы жүргүзүлчү маалыматтык согуштун тактикасын иштеп чыгып жатканын жазган.
Суздальцевдин айтымында, бул жөн гана киберсогушка даярдык көрүүгө себеп.
"Анткени буга негиздеме керек да. Иштеп чыгып жаткан программалык камсыздоо, хакерлер менен күрөшүүчү адистерди даярдоо АКШнын саясий айдыңындагы күрөшкө керек. Америкалыктар бул айдыңга Россия кийлигишип жатат деп эсептөөдө", — деди эксперт.
Суздальцев АКШ Россиянын саясий талаасында "ачык эле жүргөнүн" белгиледи. Анын айтымында, бул россиялык факторду АКШнын саясий айдыңында саясий күрөштүн куралы катары колдонууга мыкты мүмкүнчүлүк экенин кошумчалады.
"Ушу тапта конгрессте эмне болуп жатат? Импичмент, ж.б. Россия республикачылар менен демократтардын ортосундагы күрөшкө балка болуп берүүдө. Бул кейиштүү көрүнүш, анткени өлкө бизди ортодогу пикир келишпестик үчүн чокморго айлантууда, өтө кооптуу абал", — деди Суздальцев.
Белгилей кетсек, АКШ 2016-жылы өткөн шайлоого Россияны кийлигишти деп айтыптап келет, ал эми Москва мындай күнөөнү жокко чыгарууда.
