WADA Россиянын спортчуларын төрт жылга мелдештерден четтетти

© Sputnik / Владимир Сергеев / Медиабанкка өтүүРоссиянын жана Олимпиада оюндарынын желектери. Архив
Россиянын жана Олимпиада оюндарынын желектери. Архив - Sputnik Кыргызстан
Жазылуу
WADA чечими Арбитраждык сот даттанууларды карап чыккандан соң күчүнө кирет. Ага ылайык, Россияда төрт жыл эл аралык турнирлерди өткөрүүгө тыюу салынат. Курама команда өлкөнүн желегин көтөрүп чыга албайт.

БИШКЕК, 9-дек. — Sputnik. Антидопинг дүйнөлүк агенттигинин (WADA) аткаруу комитети россиялык спортчуларды мелдештерден төрт жылга четтетти. Бул туурасында РИА Новости жазды.

Мындай чечимди кабыл алууга WADА сунуш берген. Алар россиялык антидопинг агенттигинин (РУСАДА) ишмердүүлүгүн антидопинг кодексине ылайык келбейт деп табышкан.

Ага ылайык, Россияда төрт жыл бою эл аралык турнирлерди өткөрүүгө тыюу салынат. Өз "тазалыгын" тастыктай алган айрым гана спортчуларга катышууга уруксат берилиши ыктымал. Курама команда өлкөнүн желегин көтөрүп чыга албайт. Ошондой эле Россиянын Олимпиадалык комитетинин мүчөлөрү төрт жыл ичинде ири турнирлерге конок катары да бара албайт.

"WADA бардык сунуштарды бирдей добуш менен кабыл алды. Бул нерсеге каршы чыгып же колдоо көрсөтүп койгон бирөө да болгон жок", — деп билдирген РИА Новостиге РУСАДАнын директорунун орун басары Маргарита Пахноцкая.

Ал белгилегендей, спортчулар менен машыктыруучулар эл аралык мелдештерге бүткүл дүйнөлүк антидопинг кодексинин эрежелерин бузбаганын тастыктай алса гана катыша алат.

Фигурное катание. Финал ГП. Церемония награждения - Sputnik Кыргызстан
Россиялык муз бийчилер Италиядагы Гран-прини утуп алышты. Сүрөт
WADA чечими 21 күндөн кийин же Арбитраждык сот даттанууларды карап чыккандан соң күчүнө кирет.

2015-жылы ноябрда WADA Россия антидопинг эрежелерин бузду деп бир катар айыптарды коюп, Моквадагы антидопинг лабораториясынын ишин токтоткон. Иликтөөнү аягына чыгарууга жооптуу киши катары канадалык Ричард Макларенди дайындашкан. Бир жылдан кийин анын Россиянын спортундагы допингдер тууралуу эки бөлүктөн турган доклады жарыяланган.

Ушул жылы WADA РУСАДАны бүткүл дүйнөлүк антидопинг кодексинин макамына ылайык келбей турганын айткан.

Жаңылыктар түрмөгү
0