БИШКЕК, 20-окт. — Sputnik. Президент Сооронбай Жээнбеков бүгүн, 20-октябрда, иш сапары менен Японияга учуп кетти. Бул тууралуу мамлекет башчынын маалымат кызматынан билдиришти.
Жээнбековдун Япониянын императору Нарухитонун такка отуруу аземине катышаары кабарланды.
Ошондой эле иш сапардын алкагында Япониянын премьер-министри Синдзо Абэ менен эки тараптуу жолугушуусу пландалган.
Мындан тышкары, президент Япониянын ири корпорацияларынын жетекчилери жана күн чыгыш өлкөсүндө жашаган мекендештер менен жолугат.
