БИШКЕК, 20-окт. — Sputnik. Автотранспорт каражаттарын каттоо жана айдоочулук күбөлүк берүү процедурасын жеңилдетүү боюнча чечимге премьер-министр Мухаммедкалый Абылгазиев кол койду. Бул туурасында өкмөттүн маалымат кызматынан кабарлашты.
Өкмөттүн Мамлекеттик каттоо, транспорт каражаттарын, түзүлүштөрдү жана жабдууларды, ошондой эле менчик укугун кайра каттоону бекиткен 23-июнундагы токтомуна төмөнкүдөй өзгөртүүлөр киргизилген:
- юридикалык жактар үчүн автотранспорт каражаттарына техникалык талон берүү жоюлду;
- транспорт каражатын каттоо тууралуу күбөлүктүн өзгөчө белгилерине "биргелешкен ээси" жазылып, ал транспорт каражатынын ээсинин каалоосу менен электрондук маалымат базасына катталат;
- чет элдик жарандар үчүн автотранспорт каражаттарын каттоо процедурасы жеңилдетилет;
- ар бир транспорт каражатына, түзүмгө жана жабдууларга уникалдуу жеке номер берилет, андагы бардык тийиштүү маалыматтар электрондук базага киргизилет;
- бардык каттоо иш-аракеттери жеке жактар үчүн идентификациялык жеке номер, ал эми юридикалык жактар үчүн идентификациялык салык номери аркылуу жүргүзүлөт.
- Өкмөттүн мындан эки жыл мурдагы "Квалификациялык сынактарды кабыл алуу, айдоочулук жана тракторист-машинист күбөлүктөрүн берүүнүн эрежелери" жөнүндө токтомго төмөнкүдөй өзгөртүүлөр киргизилди:
- айдоочулук күбөлүк жоголгон учурда транспорт каражатын башкарууга убактылуу талон берүү тажрыйбасы жоюлду;
- медициналык маалымдаманын мөөнөтү 1 жылга чейин узартылды;
- башка мамлекеттин айдоочулук күбөлүгүн алмаштырам деген чет элдик жарандар үчүн теориялык жактан сынак тапшыруу процедурасы жоюлду. Ал эми сынак транспорт каражаттарын башкаруунун эрежелери боюнча тажрыйба жүзүндө тапшырылмакчы;
- окуудан өткөнү тууралуу күбөлүк бар болсо, ал электрондук маалымат базасына киргизилбейт;
- бардык каттоо иш-аракеттери жеке жактар үчүн идентификациялык жеке номер менен жүргүзүлөт.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.
