БИШКЕК, 9-окт. — Sputnik. Жерди пайдалануу жана курулуш башкармалыгынын кызматкерлери мыйзамсыз негизде тургузулган объектилерди түрттүрүү иштерин улантууда. Бул тууралуу мэриядан билдиришти.
Бул сапар башкармалыктын кызматкерлери "Тазалыктын" командасы менен биргеликте Лев Толстой-126 дарегиндеги жарнама тактасын алып салды. Ошондой эле Москва менен Логвиненко көчөлөрүнүн кесилишине мыйзамсыз орнотулган павильон дагы жок кылынды.
"Түлөбердиев көчөсүндөгү жолду оңдоого тоскоолдук кылган тосмолор, дарбазалар жана курулуштар түрттүрүлдү. Садырбаев менен Матыев көчөлөрүнүн кесилишиндеги үйдүн ээлери мыйзамсыз негизде жерлерин кеңейтип алышкан. Мындан сырткары, Кара-Көл-34 дарегиндеги үй ээлери дагы кызыл сызыктан чыгып кетишкен. Мындан улам металл дарбаза менен кирпичтен курулган тосмо түрттүрүлдү", — деп айтылат маалыматта.
Мэрия жарандарды жерди колдонуу мыйзамдарын сактоого чакырат.
Биздин Telegram-каналга жазылыңыз.
