БИШКЕК, 30-сен. — Sputnik. Францияда мурдагы президент Жак Ширак жерге берилди. Бул тууралуу РИА Новости агенттиги жазды.
Ал 26-сентябрда каза болгон.
Мамлекеттик мекемелер менен мектептерде анын жаркын элеси эскерилди.
Дүйшөмбү күнү Францияда улуттук аза күтүү күнү деп жарыяланды. Тажия Париждеги Сен-Сюлпис чиркөөсүндө өтүп, ага бир катар мамлекеттердин башчылары келди. Россиядан президент Владимир Путин барган.
Ширактын сөөгү Париждеги Монпарнас көрүстөнүндө 2016-жылы каза болгон кызынын бейитинин жанына коюлду.
Жак Ширак Францияны 1995-2007-жылдары башкарган. Андан тышкары, айыл чарба министри, эки жолу премьер-министр болгон. Президент болуп шайланганга чейин Париждин мэри кызматын аркалаган.
