Бириккен Улуттар Уюмунун (БУУ) климат жөнүндөгү саммитинде 16 жаштагы активист экология боюнча элди ойго салган кептерди айткан. Эми президенттер дагы ал жөнүндө постторду жазып, 2050-жылы көмүр казууну токтотууга убада беришүүдө.
Грета Нью-Йоркко экологияга зыяны абдан төмөн кеме менен барган. Активист өзү дагы, ата-энеси дагы учактарга отурбайт.
Анткен менен социалдык тармактын колдонуучулары кыздан шек санашууда. Грета Тунберг — глобалдык максаттар үчүн пиар-долбоор болушу ыктымалдыгы айтылууда. Анын артында АКШнын мурдагы вице-президенти Альберт Гор турушу мүмкүн деген божомолдор бар.
