БИШКЕК, 26-сен. — Sputnik. Кытайда коррупцияга каршы күрөшүү комитетинин кызматкерлери паракорлукка шектелген аткаминердин үйүн тинтип, 13,5 тонна алтын куймалары менен таңгакталган акчаларды тапкан. Бул тууралуу World journal басылмасы жазды.
Кармалган аткаминер Хайнань провинциясындагы Хайкоу шаарынын мурдагы мэри болуп иштеген. Учурда 58 жашта. Ал алтын куймалары менен акчаны үйүнүн жер төлөсүнө жашырган. Маалыматка ылайык, табылган алтындар менен акча 268 миллиард юань же 37,5 миллиард долларга барабар.
Тинтүү учурунда тартылган кыска видео социалдык тармактарга тарады.
某个人民的仆人落马了!儋州市原市长，三亚市原市委书记，海口市原市委书记张琦（安徽人，中共党员现年57岁）九月六日落马。其住宅内起获黄砖金条金砖数量惊人，现金13.5吨。另查获帐面来路不明资金2680亿，多套千余平方的豪宅……。又一次刷新了记录，令吾辈叹为观止，贫穷再一次限制了我们的想象力！ pic.twitter.com/6hcgKsaFwE
— 猪血旗下 (@h1300062810) 24 сентября 2019 г.
Кармалган аткаминер мэрликтен тышкары түрдүү мамлекеттик кызматтарды да ээлеген. Тактап айтканда, Коммунисттик партияга Хайнань провинциясынан мүчө болгон.
Тергөө учурунда анын аянты миң чарчы метрден ашкан хан сарайы бар экени аныкталган. Эми ал өлүм жазасына тартылышы ыктымал.
Биздин Telegram-каналга жазылыңыз.
