БИШКЕК, 4-авг. — Sputnik. УКМКнын имаратында сурак берип жаткан мурдагы президент Алмазбек Атамбаев терезеден тарапташтары менен туугандарына кол булгалады.
Окуянын видеосу социалдык тармакка жарыяланды.
Алмазбек Атамбаев УКМКнын тергөө абагында 26-октябрга чейин калтырылган болчу.
Мурунку президент негизинен кримтөбөл Азиз Батукаевдин мыйзамсыз бошотулушу, Кой-Таштагы окуя, жер тилкесин мыйзамсыз алуу жана башка окуялар боюнча айыпталууда.
Кой-Таш окуясы
7-августта кечинде УКМКнын атайын даярдыктагы аскерлери Атамбаевди Кой-Таштагы үйүнөн кармоого аракет кылып, бирок ал ишке ашпай калган. 8-август күнү ИИМ атайын операция жүргүзүп, Атамбаев багынып берген болчу. Ошол күнү кечинде Атамбаевдин тарапташтарыбыз деп "Ала-Тоо" аянтына чогулган адамдарды милиция күч менен тараткан болчу. Акыркы маалыматтар боюнча, эки күндөгү чыр-чатактан 136 киши түрдүү жаракат алышкан. Спецназдын бир кызматкери окко учкан. Алмазбек Атамбаев 26-августка чейин УКМКнын убактылуу тергөө абагына киргизилген. Кийин 20-августта анын камактагы мөөнөтү 26-октябрга чейин узартылган.
