БИШКЕК, 20-авг. — Sputnik маалымат кызматы. Sputnik Кыргызстан эл аралык маалымат агенттиги жана радиосу "Улуттук баш кийимдер" долбоорунун фото плакаттарын Улуттук тарых музейине өткөрүп берди.
Агенттиктин жетекчиси Елена Череменина музейдин директору Кеңешбек Алмакүчүковго болочокто тематикалык көргөзмөлөргө коюу жана музейде сактоо үчүн 50 сүрөт иллюстрациясын тапшырды.
"Улуттук баш кийимдер" фото долбоору аялдардын, эркектердин, балдардын баш кийимдеринин тарыхын жана кийүү эрежелерин баяндайт.
Моделдердин кийимдери "Кийиз дүйнө" коомдук фондусунун чеберлери тарабынан тигилген.
"Долбоор сапаттуу жана уникалдуу экен. Кийимдер менен образдар байыркы замандагы мезгилди келиштире чагылдырган. Авторлор кездемени дагы максималдык негизде окшоштуруп тандашыптыр. Долбоордун алкагында улуттук кийимдин толук комплектиси калыбына келтирилип, аны кийип жүргөндөрдүн социалдык абалы эске алынган. Музейде улуттук кийимдердин кээ бир фрагменттери гана болгондуктан, бул фото плакаттар биз үчүн абдан баалуу", — деди Алмакүчүков.
Ал эми Sputnik Кыргызстан агенттигинин жетекчиси Елена Череменина долбоор менен сыймыктанарын айтты.
Sputnik (sputniknews.com) – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү араб, англис, испан жана кытай тилдеринде жарык көрөт.
Кыргызстанда Sputnik мультимедиалык маалымат борбору (Бишкек ш., Эркиндик бульвары, 46) — түз телеберүүлөрдөн тартып дүйнөнүн булуң-бурчу менен видеокөпүрө түзүүгө чейинки ар кыл форматтагы иш-чараларды өткөрүүгө мүмкүндүк берүүчү жогорку технологиялык жабдууга ээ заманбап медиа аянтчасы. Меймандар менен журналисттер үчүн ыңгайлуу маалымат жыйын, маалыматтарды кабыл алуу жана берүү үчүн инфраструктура, анын ичинде Wi-Fi бар.
