БИШКЕК, 9-авг. — Sputnik. 10-августта түнкүсүн Ысык-Көл, Нарын облустарынын көпчүлүк аймактарында, Чүй, Ош, Жалал-Абад облустарынын тоолуу райондорунда өткүн өтүп, күн күркүрөшү мүмкүн. Бул туурасында Кыргызгидромет маалымдады.
Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетет.
Абанын температурасы Чүйдө +30...+35, Таласта +28...+33, Ош, Жалал-Абад жана Баткен облустарында +31…+36 градус ысык болот.
Ысык-Көл жана Нарын жергесинде термометр +24...+29 градусту көрсөтөт.
Ош жана Бишкек шаарларында күн ачык болуп, абанын температурасы Ошто +34...+36, Бишкекте +33...+35 градуска жетет.
Ал эми Чолпон-Ата шаарында өткүн өтүп, күн күркүрөшү күтүлөт. Күндүн табы +24...+26 градус болору айтылды.
