"Ала-Тоо" аянтында чогулгандарды спецназ күч менен сүрүп чыгарууда. Видео

Жазылуу
Атамбаевди милиция кызматкерлери Кой-Таштагы үйүнөн 8-августта кечке жуук кармаган. Анын кеңешчиси Кундуз Жолдубаеванын айтымында, учурда Атамбаев Улуттук коопсуздук мамлекеттик комитетинин имаратына алынып келген.

"Ала-Тоо" аянтында чогулгандарды спецназ күч менен сүрүп чыгарууда. Учурда чогулгандарга карата катуу үн чыгаруучу гранаталар ыргытылууда.

Эске салсак, кечинде "Ала-Тоо" аянтына мурдагы президент Алмазбек Атамбаевдин тарапташтары чогула баштаган. Алар Чүй проспектисин тороп алып, жол жээгиндеги темир тосмолор менен тосуп алышкан.

Мурдагы президент Алмазбек Атамбаев. Архив - Sputnik Кыргызстан
Атамбаевди багынып берүүгө көндүргөн Курсан Асанов. Сүйлөшүүнүн видеосу
Белгилей кетсек, Атамбаевди милиция кызматкерлери Кой-Таштагы үйүнөн 8-августта кечке жуук кармаган. Анын кеңешчиси Кундуз Жолдубаеванын айтымында, учурда Атамбаев Улуттук коопсуздук мамлекеттик комитетинин имаратына алынып келген.

7-августта кечинде УКМК мурдагы президент Алмазбек Атамбаевди кармоо боюнча атайын операция жүргүзгөн, бирок андан майнап чыккан эмес. Акыркы маалыматтар боюнча, кагылышуудан 85 киши жаракат алып, спецназдын бир жоокери каза болгон.

Өлкө президенти Сооронбай Жээнбеков 8-августта Коопсуздук кеңешинин жыйынын өткөрүп, Атамбаевдин аракети боюнча өзүнүн пикирин билдирген. Жээнбеков Атамбаев мурда шектүү катары суракка чакырылып келген болсо, эми оор кылмыш жасаган киши катары чакырыларын айткан.

Жогорку Кеңеш дагы бүгүн чукул жыйынга чогулган.

Жаңылыктар түрмөгү
0
Алгач жаңыларыАлгач эскилери
loader