БИШКЕК, 24-июл. — Sputnik. Унаа менен баратып Бишкек — Ош жолунун 270-чакырымындагы Чычкан суусуна түшүп кеткен үч жигиттин акыркысынын сөөгү табылганын ӨКМ билдирди.
Маалыматка ылайык, каргаша 2-июль күнү болгон. Эки күндөн кийин биринин, дагы эки күн өткөн соң кийинкисинин сөөгү табылган.
Үчүнчү жигиттин сөөгү 23-июль күнү кечинде унаа түшүп кеткен жерден 16 чакырым алыстыктан табылып, туугандарына өткөрүп берилди.
Кырсыктап каза болгондордун үчөө тең 22 жашта экени айтылды.
