БИШКЕК, 16-июл. — Sputnik. Ош шаарында вице-премьер Жеңиш Разаков жана Өзбекстандын премьер-министринин орун басары Эльёр Ганиев кыргыз-өзбек чек арасын делимитациялоо боюнча сүйлөштү.
Эки тараптын өкмөттүк делегациялардын жумушчу тобунун кезектеги жолугушуусу быйылкы жылдын 10-14-июль күндөрү өткөн.
"Жолугушуунун жүрүшүндө кыргыз-өзбек мамлекеттик чек арасынын калган тилкелеринин сызыгын чийүү боюнча сунуштар талкууланды. Ошондой эле айрым чек ара тилкелерин биргелешип жеринде текшерүү макулдашылды", — деп айтылат маалыматта.
Кийинки жолугушуу Өзбекстандын аймагында болмокчу.
Буга чейин кыргыз-тажик мамлекеттик чек арасындагы делимитация боюнча эки өлкөнүн делегацияларынын жолугушуусу өткөн.
