БИШКЕК, 10-июл. — Sputnik. Чычкан дарыясына кулап кеткен автоунаанын ичиндеги жигиттер изделип жатат. Бул тууралуу ӨКМдин маалымат кызматынан билдиришти.
Кырсык 2-июль күнү Бишкек — Ош жолунун 270-чакырымында болгон. Ошол эле күнү 22 жаштагы жарандын сөөгү табылган. Анын жанында дагы эки курдашы болгон.
5-июлда сууга кулаган Honda Fit үлгүсүндөгү автокөлүк табылган.
Бир жумадан бери издөө иштери менен 41 куткаруучу, 10 милиционер жана жоголгондордун 15 тууганы алектенип жатат.
