БИШКЕК, 19-июн. – Sputnik. Кара-Балтада эне-бала киши колдуу болду. Бул тууралуу Чүй облустук ички иштер башкы башкармалыгынан кабарлашты.
19-июнь күнү саат 18.00дө 30 жаштагы аял анын кайненеси менен жолдошуна беткапчан кишилер кол салганын билдирген.
Жерине келген укук коргоочулар 53 жаштагы аял менен 31 жаштагы кишинин бычакталган сөөгүн табышкан. Факты боюнча Кылмыш жаза кодексинин 130-беренеси ("Адам өлтүрүү") менен кылмыш иши козголду.
Чүй ОИИББ менен Жайыл РИИБинин тажрыйбалуу кызматкерлеринен ыкчам тергөө тобу түзүлүп, тийиштүү экспертиза дайындалды.
