Бишкекке мамлекеттик сапары менен келген Си Цзиньпин Ардак кароол менен "Салам" деп кыргызча учурашты.
Сүйлөшүү учурунда Сооронбай Жээнбеков кытай лидеринин кызматташтыкты күчөтүү жана Кыргызстанды колдоого кошкон жеке салымын белгилеп, Си Цзиньпинге I даражадагы "Манас" орденин тапшырды. Белгилей кетсек, мындай жогорку сыйлык улуу жазуучу Чыңгыз Айтматов, Казакстандын экс-президенти Нурсултан Назарбаев, Россия президенти Владимир Путин жана мамлекеттик ишмер Турдакун Усубалиевге берилген.
Жолугушуу учурунда айрым макулдашууларга кол коюлду. Си Цзиньпин Кыргызстандан айыл чарба продукциясын импорттоого дилгир экенин айтты. Өлкөлөр ортосунда бал, ун, сүт жеткирүү боюнча жалпы жонунан 20 макулдашууга кол коюлду.
Эки өлкөнүн башчылары ШКУ саммитине катышмакчы.
