БИШКЕК, 13-июн. — Sputnik. Кытай Кыргызстандан ири көлөмдө экологиялык таза азык-түлүктөрдү сатып алууга даяр. Бул тууралуу Кытай лидери Си Цзиньпин президент Сооронбай Жээнбеков менен жолуккканда айтты.
Эске салсак, ушул тапта Кытай президенти Кыргызстанда мамлекеттик сапары менен жүрөт.
"Кытай коңшу өлкөдөн сапаттуу айыл чарба азыктарын импорттогусу келет", — деди ал.
Улуттук статистика комитетинин маалыматына караганда, Кытай Кыргызстандын негизги соода өнөктөшү болуп эсептелет. 2018-жылы эки өлкөнүн ортосунда товар жүгүртүүнүн көлөмү 2 миллиард долларга жеткен. Бирок мунун басымдуу бөлүгү Кытайдан импорттолгон товарлар.
