Өкмөт Туйгунаалы Абдраимовдун кылыгы боюнча үн катты

© Фото / пресс-служба правительства / Алишер АлиевПремьер-министр КР Мухаммедкалый Абылгазиев
Премьер-министр КР Мухаммедкалый Абылгазиев - Sputnik Кыргызстан
Жазылуу
НовостиTelegram
Өкмөттүн Чүй облусундагы өкүлү кылган ишине өкүнбөй турганын жар салды.

БИШКЕК, 6-июн. — Sputnik. Премьер-министр Мухаммедкалый Абылгазиев Чүй облусунун башчысы Туйгунаалы Абдраимовдун аракети боюнча чара көрөт. Бул тууралуу өкмөттүн маалымат кызматы билдирди.

Ага ылайык, маалымат кызмат өкмөт башчынын пикирин бир аздан кийин таратат.

Полпред правительства в Чуйской области Туйгунаалы Абдраимов - Sputnik Кыргызстан
Туйгунаалы Абдраимов: журналисттен кечирим сурабайм, жасаган ишиме өкүнбөйм
Абдраимов бүгүн, 6-июнда, өкүлчүлүктүн имаратынын алдына келген журналисттер менен көпкө чейин жолукпай жатып, акыры макул болгон. Ал ЖМК өкүлдөрүнүн суроосуна жооп берип жатып, Орок айылында кемсинткен журналисттен кечирим сурабай турганын жана ал кылыгы үчүн өкүнбөй турганын айткан.

Белгилей кетсек, Абдраимов Орок айылында ЖМК өкүлдөрүнүн суроосуна жооп берип жатып, бир журналисттин кебетеси жакпагандыктан ага эч кандай түшүндүрмө бербей турганын айтып, каткырган бойдон кетип калган. Өкмөттүн өкүлүнүн бул кылыгы коом жана журналисттер арасында дагы нааразычылык жараткан.

Жаңжал 5-июнда эртең мененки саат 8.30дар чамасында Сокулук районунун Орок айылында чыккан. Милициянын маалыматы боюнча, жергиликтүү өспүрүмдөр айт намазынан чыккандан кийин айтыша кетип, мушташ чыккан. Эки өспүрүм ооруканага жаткырылган, алардын абалы туруктуу

Аталган факты Кылмыштардын жана жоруктардын бирдиктүү реестрине Кылмыш жаза кодексинин 266-беренеси боюнча ("Бейбаштык") каттоого алынган.

Жаңылыктар түрмөгү
0