БИШКЕК, 31-май — Sputnik. Казакстандын президенти Касым-Жомарт Токаев социалдык жардам алыш үчүн болгон жасалма ажырашуу фактыларын тактап, иликтеп чыгуу буйругун берди. Бул туурасында Sputnik Казакстан жазды.
"Көп балалуу энелердин жардам катары акча алыш үчүн ажырашкан учурлары арбыды. Өкмөт менен президенттин аппаратына алдамчылыкты токтотуу үчүн санариптештирүүнү тез бүтүрүү тапшырылды. Социалдык жардам — жакырчылыкта жашагандар ала турган акча", — деп жазылган Токаевдин Twitter аккаунтунда.
Участились случаи разводов многодетных родителей с целью получения АСП. Правительству и АП поручено ускорить внедрение цифровизации для прекращения мошенничества. АСП – это пособие государства именно нуждающимся.
— Qasym-Jomart Toqayev (@TokayevKZ) 30 мая 2019 г.
Даректүү социалдык жардам жеке тараптарга бир айлык керектөө каражатынын көлөмүндө өтө жакыр жашагандарга берилет. Быйыл анын көлөмү көбөйгөн эмес. Бул жардамды алуучулардан арыз кабыл алуу 2019-жылдын 1-апрелинен тарта башталган.
Эмгек жана социалдык жактан коргоо министрлигинин маалыматына караганда, 25-майда республикада соцжардамга муктаж 125 үй-бүлөнүн маалыматтары жаңыланып, такталган.
