БИШКЕК, 29-апр. — Sputnik. Экономикалык кылмыштарга каршы күрөшүү боюнча мамлекеттик кызмат (Финансы полициясы) бирдиктүү депозиттик эсепке 67 миллион 741 миң 275 сом которду. Бул тууралуу мекеменин маалымат кызматы билдирди.
Ага ылайык, бүгүнкү күнү Финансы полициясы бирдиктүү эсепке 605 миллион 956 миң 902 сом которгону айтылат.
Эске салсак, президент Сооронбай Жээнбеков коррупцияга каршы күрөштүн жыйынтыгында түшкөн каражаттарды атайын эсепке топтоо керектигин айтып, ал үчүн депозиттик эсеп ачылган.
Мамлекет башчысы Жогорку Кеңеште жасаган кайрылуусунда былтыр коррупцияга каршы күрөштөн 5,7 миллиард сомго жакын каражат жана мүлк мамлекетке кайтарылганын айткан.
