Шри-Ланкада кайрадан жардыруу болду

© REUTERS / Athit PerawongmethaШри-Ланканын аскер кызматкерлери
Шри-Ланканын аскер кызматкерлери - Sputnik Кыргызстан
Жазылуу
Yandex newsTelegram
Жеринде полиция иштеп жатат.

БИШКЕК, 25-апр. — Sputnik. Коломбодон чыгышты көздөй 40 чакырымдык аралыкта кайрадан жардыруу болгонун News 1st телеканалы жергиликтүү полициянын өкүлү Руван Гунаскеарга шилтеме берип жазды.

Маалыматка караганда, окуя бейшемби күнү эртең менен Пугода аймагында болгон. Азырынча жабыркагандар менен каза болгондор тууралуу маалымат жок.

Жеринде полиция иштеп жатат.

Похороны погибшего при серии взрывов в Шри-Ланке. 23 апреля 2019 года - Sputnik Кыргызстан
Шри-Ланкадагы жардыруулардын жоопкерчилигин "Ислам мамлекети" мойнуна алды
Ada Derana басылмасынын маалыматы боюнча шаардык соттун жанындагы таштанды челек жарылган. Аны теракт деп баалоого негиз жок экени айтылды.

Жекшемби күнү, 21-апрелде, Шри-Ланкадагы биринчи алты жардыруу Коломбо, Негомбо жана Баттикалоада болду. Жетинчиси аралдын батышындагы Дехивале шаарында, сегизинчиси Коломбонун чет жакасында катталды. Дагы бир бомба эл аралык Бандаранаике аэропортуна кеткен жолдон табылган.

Окуядан 359 киши каза тапты, алардын 45и — балдар. Мындан башка 520 адам жаракат алган. 

Шри-Ланкадагы жардыруудан кийинки видеону Sputnik агенттигинин материалынан көрүңүздөр.

Жаңылыктар түрмөгү
0