Радиостудия Sputnik Кыргызстан в Бишкеке - Sputnik Кыргызстан
Радио

Исаев: марттан бери 21 408 айдоочуга айып кат жеткирилди

© Sputnik / Досхан НусупбековГлава отдела центра мониторинга обеспечения информации Токомбай Исаев
Глава отдела центра мониторинга обеспечения информации Токомбай Исаев - Sputnik Кыргызстан
Жазылуу
"Коопсуз шаар" долбоору ишке киргенден тарта 30 миллион сомдон ашуун айып пул жыйналды.
Исаев: марттан бери 21 408 айдоочуга айып кат жеткирилди

Мониторинг борборунун маалымат жана техникалык камсыздоо бөлүмүнүн башчысы Токомбай Исаев "Коопсуз шаар" долбоору ишке киргенден тарта 45 203 жол эрежесин бузган фактылар катталганын маалымдады.

Ушул жылдын 4-мартынан баштап жол эрежесин бузган жалпысынан 45 миң 203 учур катталса, алардын 21 миң 408ине айып каттар жеткирилди. Бул тууралуу Токомбай Исаев Sputnik Кыргызстан радиосунун таңкы эфиринде маек куруп жатып билдирди.

Анын айтымында, салынган айыптардын негизинде жалпысынан 30 миллион 252 миң 280 сом акча мамлекеттин казынасына түшкөн.

"Коопсуз шаар долбоору ушул жылдын 4-мартынан баштап ишке кирип, биринчи жана экинчи фазасы ийгиликтүү ишке ашты. Айдоочулардын жолдогу кыймылын тартып турган камераларды тескөө ишин жүргүзгөн мониторинг борборунда жарандарды кабыл алуу бөлүмү бар. Ал 0(312) 53- 03-76; 0 (312) 53-03-89, ошондой эле 0 706 63 09 00 Whatsapp номерлеринде күнү-түнү иштейт. Бул борборго айдоочулар кандайдыр бир талаш маселелер жаралганда же ой-пикирин билдирүү үчүн байланышса болот", — деди Исаев.

Ал ошондой эле "Коопсуз шаар" долбоорунун үчүнчү фазасында көчө кесилиштерине камераларды орнотуу иштери уланарын кошумчалады.

Жаңылыктар түрмөгү
0