БИШКЕК, 4-апр. — Sputnik. Бразилиянын Гояс штатында бир наристеге эгиз эркектердин экөө тең ата катары алимент төлөмөй болду. Бул тууралуу ВВС жазды.
Фернандо жана Фабрисио аттуу эгиздер окшоштугунан пайдаланып, бир эле кыз менен жолугуп жүрүп, анын боюна бүтүп калган.
10 Жалган Куран 2019, 12:13
Кийин кызына алимент алуу үчүн сотко кайрылганда, эгиздер келин менен экөө тең "мамиледе" болгонун айтып, бирок кыздын атасы кимиси экенин айтпай коюшкан.
Айласы кеткен келин ДНК анализ тапшырткан. Бирок ал дагы эгиздердин дал кимиси наристенин атасы экенин так аныктай алган жок.
Жыйынтыгында сот экөөнү тең алимент төлөй тургандай чечим чыгарды. Эми кыздын энеси эгиздердин ар биринен айына 60 доллардан акча алып турат.
Сот учурунда белгилүү болгондой, эки эргул дагы башка аялдардын дагы ушинтип башын айландырып жүргөн.
