Бишкектин чыгышындагы жолдо дагы кош сызык пайда болду. Видео

Жазылуу
"Бишкекасфальтсервис" бул көрүнүшкө түшүндүрмө берди.

Бишкектин Горький көчөсүнүн асфальтында кош сызык пайда болду. Бул тууралуу күбө билдирип, видеосун WhatsApp каналы аркылуу Sputnik Кыргызстан агенттигине жиберди.

Видео кечээ күнү тартылган. Анда көрүнүп тургандай, Горький менен 7-апрель көчөлөрүнүн кесилишине жаңы жол сызык түшүрүлгөн. Бирок эскиси дагы көрүнүп турат.

"Бишкекасфальтсервис" ишканасынын маалымат кызматы "Коопсуз шаар" долбоорунун алкагында күн сайын жол сызыктар түшүрүлүп жатканын айтты. Аталган кесилиште дагы видеокөзөмөл жайгашкан.

"Техникалык мүчүлүштүктөрдөн улам эски сызык өчүрүлбөй калган. Иш эртең уланат. Белгилей кетчү жагдай, эски чийиндерди өчүрүү менен кошо эле жаңы сызыктар чийилип жатат", — дешти ведомстводон.

Буга чейин мындай кош сызык Бишкектин Манас проспектисинде дагы пайда болгон.

Жаңылыктар түрмөгү
0