БИШКЕК, 25-фев. — Sputnik. Борбор калаада ШКУ өлкөлөрүнүн жаштарынын башын бириктирген форум өтөт. Бул тууралуу Жаштар иши, дене тарбия жана спорт мамлекеттик агенттигинен билдиришти.
Маалыматка ылайык, "Туризмди өнүктүрүү" аталышындагы иш-чара 26-28-февраль күндөрү уюштурулат. Анда катышуучулар тийиштүү мамлекеттик орган, туристтик компаниялар менен биргеликте аталган тармактагы маселелерди талкуулайт.
Тажрыйба алмашууга, ШКУнун аймагында ишкерликти өнүктүрүүгө багытталган форумга Кыргызстан, Казакстан, Россия, Өзбекстан, Тажикстан, Индия, Кытай, Пакистандан келген жаштар чогулат.
