Бакка чыгып тарткан. Дооронбек Садырбаев менен Кайыргүл Сартбаеванын таберик сүрөтү

Жазылуу
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.

Кыргыз Республикасынын эл артисти Дооронбек Садырбаев менен СССРдин эл артисти Кайыргүл Сартбаеванын сүрөтү 1980-жылдардын башында Фрунзе шаарында тартылган.

Ал жылы режиссер Садырбаев Кыргыз ССРинин 50 жылдыгына карата уюштурулган концертти тарткан.

Ошол кезди Кайыргүл Сартбаева өзү мындайча эскерет:

"Дооронбек Садырбаев бир чоң мааракеге карата концерт тартып, мени дагы чакырып калды. Сүйлөшүлгөн күнү мен Чио-Чио-Санды ырдадым. Фрунзе шаарынын чок ортосунда тартылып, режиссер катары кыймыл-аракет, эмоцияма чейин көргөзүп берди. Жада калса талдын үстүнө чыгып алып тартканы эсимде. Эже деп мактап, тамашалап мени образга киргизчү. Азыр негедир ал тасманы теледен көрсөтпөй калды. Ага менден сырткары, бир топ кыргыздын чыгаан уул-кыздары тартылган. Садырбаев ар тараптуу, чыгармачылыкты мыкты түшүнүп, аны менен жашаган инсан болчу. Эрте кетти, жаштарга аябагандай колдоо көсөтчү", — деди опера ырчысы.

Ошол учурда эки чыгармачыл инсан тең дүйнөгө таанылып, бир топ эл аралык сыйлыктарды багындырып койгон. Бири тасмалары менен эл оозуна алынса, экинчиси өзгөчө үнүнүн аркасы менен урмат-сыйга татыган.

Жаңылыктар түрмөгү
0