БИШКЕК, 11-фев. — Sputnik. "Коопсуз шаар" долбоорунун алкагында жол эрежесин бузуу боюнча сизге айып салынган-салынбаганын мамлекеттик кызматтар сайтынан билүүгө болот.
Каталогдон "Проверка штрафов" деген бөлүмдү тандайсыз. Андан кийин паспортуңузда көрсөтүлгөн 14 сандан турган персоналдык идентификациялык номерди (ПИН) жазасыз дагы машинанын мамлекеттик номерин киргизесиз.
12-февралдан тарта Кыргызстанда "Коопсуз шаар" долбоорунун алкагында коюлган фото-видеокамералар толук иштей баштайт.
Камералар Бишкектеги көчөлөрдүн 10 кесилишине жана аймактардагы 17 жерге коюлду. Алар эреже бузуунун 7 түрүн каттоого алат.
