БИШКЕК, 19-янв. — Sputnik. Чүй облусунда 2 жашар баланы сабады деген шек менен 32 жаштагы аял кармалганын облустук милициянын маалымат кызматы билдирди.
Наристе ооруканага жеткирилгени менен өзүнө келбей чарчап калган.
Окуя 6-декабрда болгон. Кылмышка Россияга иштегени кеткен таанышынын баласын камкордукка алган аял шектелген болчу. Ал тергөөчүлөргө бала эки кабаттуу керебеттен кулап кеткен деп көрсөтмө берген.
28 Бештин айы 2018, 13:54
Наристенин апасы Россиядан Бишкекке келип, баласын ооруканада карап жаткан жана арыз жазуудан баш тарткан. Бирок ага карабастан укук коргоо органдары Кылмыш-жаза кодексинин 104-беренеси ("Денеге атайылап залал келтирүү") боюнча кылмыш ишин козгогон. Ошондой эле тийиштүү экспертизалар дайындалган.
Чүй облустук милициясынын билдиришинче, 18-январда соттук-медициналык экспертизанын жыйынтыгы чыгып, бала уруп-согуудан каза болгону аныкталган. Шектүү аял кармалып, убактылуу кармоо жайына киргизилди. Тергөө амалдары уланууда.
