Учурда майып балдардын жана аны карай турган адамдардын документтерин чогултуу иштери жүрүүдө. Бул тууралуу Саида Асанбаева Sputnik Кыргызстан радиосунун таңкы эфиринде маек учурунда билдирди.
Анын айтымында, учурда документ иштери менен катар эле каржы маселеси да толук чечиле элек.
"Азыркы кезде документтерди даярдоонун үстүндө иштеп жатабыз. Каралган акча бөлүнөрү менен айлык акы бериле баштайт. Муну бир гана биздин министрлик чечпейт. Бул маселенин эртерээк ишке ашуусуна Финансы министрлиги да көмөктөш болуш керек. Алар качан гана жолдомо бергенде биз майып баланы карагандарга акча төлөй баштайбыз. Болжол менен айтканда, февраль айынан тарта айлык акы берилип башташы мүмкүн", — деди Асанбаева.
Ал майып баланы карагандарга айлык берүү тууралуу жобо Эмгек жана социалдык жактан өнүктүрүү министрлигинин 132-буйругу менен бекитилгенин кошумчалады.
