БИШКЕК, 3-ноя. — Sputnik. Көк бөрү боюнча Кыргызстандын чемпионатында баш байгени Чүй облусунун командасы илип кетти.
Чүй командасы финалдык беттеште Ысык-Көл облусу менен кез келип 5:1 эсебинде утуп алды. Ал эми коло байге Талас облусуна буйруду.
Ал эми финалдык оюн баштааларда ат майданга президент Сооронбай Жээнбеков келип көк бөрүчүлөрдү куттуктап кеткен.
Белгилей кетсек, мелдештер залкар жазуучу Чыңгыз Айтматовдун 90 жылдыгына карата уюштурулган.
Байгелер төмөндөгүдөй бөлүндү:
Биринчи орун — Чүй облусу, 500 миң сом;
Экинчи орун — Ысык-Көл облусу, 250 миң сом;
Үчүнчү орун — Талас облусу, 100 миң сом;
Төртүнчү орун — Ош облусу, 80 миң сом;
Мыкты улакчы — Чүй командасынан Кубаныч Султан уулу, 10 миң сом;
Мыкты аргымак — Ысык-Көл командасынан "Золотой", 10 миң сом;
Өлкө чемпионаты Оштун "Төлөйкөн" ат майданында өткөрүлдү. Анда жети облус жана эки шаардын курама командалары күч сынашты.
