БИШКЕК, 1-ноя. — Sputnik. АКШнын тургуну 12 килограммдык Пончик аттуу мышыгынан баш тартып, атайын жайга тапшырды.
Анын салмагы нормадан үч эсе көп болгон. Атайын жайдын кызматкерлери мышыктын салмагын көрүп абдан таң калышкан. Алар мышыктын сүрөтүн Facebook баракчасына чыгарып, аны катуу диетага отургуза алган жаңы кожоюн издеп жатканын жарыялашкан.
Эң семиз мышык тууралуу жергиликтүү ЖМКлар да жазган. 29-октябрда мышыкты жаңы кожоюн алып, Зигги деп ат коюп, салмагын түшүрүүгө киришкен.
Белгилей кетсек, буга чейин интернетке подиумда кыздар менен жарышып баскан мышыктын видеосу тараган болчу.
