Бул ирет курал уурдаган аскер кызматкерлери, мектептеги окуучуларга ок чыгарган шектүүлөрдүн кылыктарын сунуштайбыз.
60 баш жылкыны айдай качкан ууру
Талас облусунун 25 жаштагы тургуну 3-4 үйүр жылкыны Казакстанды көздөй айдап качып жөнөгөн. Жергиликтүү милиция кызматкерлери уурунун изине түшүп, аны коңшу өлкөнүн аймагынан кармаган. Колго түшүрүү учурунда ал каршылык көрсөтүп, укук коргоо органдарына ок чыгарганга үлгүргөн. Суракта эч жерде иштебеген ал киши уурдаган 60 жылкыны сатып, акча табууга аракет кылгандыгын айтып берген.
Курал уурдаган жаштар
Азербайжанда аскердик кызмат өтөп жүргөн кыргызстандык үч жоокердин бири күзөтчүнүн куралын уурдап, аны сатып акча таап кетүүнү сунуштайт. Ошентип анын шериктери сакчыны катуу сабап, автоматын тартып алышат. Бирок алардын ниети ишке ашпай, бат эле колго түшкөн. Кийин Азербайжандын аскер прокуратурасы карата кылмыш ишин козгогон. Бирок Кыргызстан тарап шектүүлөрдү ата мекенине өткөрүп берүү сунушу менен кайрылган. Жеңил акча тапкысы келгендердин ар бири алты жылдан эркинен ажыратылган.
Окуучуларга ок аткан…
Бишкекте жашаган 23 жаштагы эки бекерпоз көп кабаттуу үйдүн терезесине чыгып алып мектепте жүргөн окуучуларга ок чыгарган. Мындай акылсыздыгы үчүн мылтык колдонгондор милициянын торуна түшкөн.
Американы эңсеген токарь
Токарь болуп иштеген жумушчу кечке маал короодо ойноп жүргөн төрт жаштагы кызды барымтага алган. наристени бычактап салам деп коркуткан кылмышкер акча сурап Америкага учак менен жөнөтүүнү талап кылган. Корккон тургундар алгач Тез жардам кызматына, андан соң гана милицияга телефон чалган. Жетип келген укук коргоо кызматкерлери бычак көтөргөн адам менен сүйлөшүүлөрдү жүргүзгөн. Бирок ал дагы жаңы талаптарды коюп, сүйлөшүүдөн майнап чыккан эмес. Ошондо тартип сакчылар ылайыгын таап, балконду талкалап кирип, анын колундагы бычакты алууга жетишкен. Бактыга жараша кыз жаракат алган эмес. Кийин тактоо иштеринде 37 жаштагы шектүү психикалык жактан жабыркай тургандыгы аныкталган.
Зөөкүр "дос"
Чаламандын чак түшүндө 21 жаштагы жаран эки жаштагы наристени жашаган үйүнөн зордуктаган. Мас болгон кылмышкер кыздын атасынын досу болгон. Борбор калаадагы ооруканага оор абалда жеткирилген бөбөккө дарыгерлер өз убагында алгачкы жардам көрсөтүп, аман сактап калышкан.
Өз кызын өлтүргөн ата
Элетте жашаган 26 жаштагы киши мас болуп келип өз кызын төшөк менен тумчуктурган. Ошентип, сегиз айлык ымыркай атасынын колунан чарчап калган.
Өткөн айдагы сот чечимдери менен Sputnik Кыргызстан агенттигинин материалынан окуңуздар.
