БИШКЕК, 8-окт. — Sputnik. Дагы бир аял португалиялык футболчу Криштиану Роналду аны зордуктап койгонун айтып чыкты. Бул тууралуу Daily Mail басылмасы америкалык Кэтрин Майоргинин адвокаты Лесли Стоваллга шилтеме берип жазды.
Белгилей кетсек, буга чейин футболчу америкалык Кэтрин Майорганы кордогон деп айыпталган болчу.
"Мага бир аял чалып, ал дагы Роналдунун курмандыгы болгонун айтып берди", — деди Стовалл.
Ал ошондой эле жабырлануучу болгон окуяны Майоргинин арызын иликтеп жаткан Лас-Вегастын полициясына айтып берерин белгилеген. Адвокат курмандыктын атын атоодон баш тартты.
Spiegel маалымдагандай, 2010-жылдын январь айында Роналду тарап жабырлануучуга 375 миң доллар төлөп берген. Алардын сотко чейинки келишимине ылайык, тараптар окуянын чоо-жайын эч кимге айтпай, айыптоолорунан баш тартуусу керек болгон.
Кийин Роналдунун адвокаты жарыяланган макала үчүн Spiegel басылмасын сотко бере тургандыгын жар салган.
