БИШКЕК, 18-сен. — Sputnik. Казакстандын Актөбө облусунда үч окуучу кыз жоолугун чечпей койгондугу үчүн кийинки класска көчпөй калды. Бул тууралуу Облустук билим берүү департаментине шилтеме берип Sputnik Казакстан жазды.
Кыздар "бирдиктүү мектеп формасы боюнча эрежени бузду" деп күнөөлөнүп, мектепке дагы кигизилген эмес.
"Былтыр облус боюнча диний көз карашынан улам жоолугун чечкиси келбеген өспүрүм кыздардын саны 350гө жетип жаткан. Бирок түшүндүрүү кампаниясы башталгандан бери көпчүлүк ата-энелер макулдугун берген. Мектепке жоолуксуз келүүдөн быйыл үч окуучу баш тартып жатат", — дешти департаменттен.
Буга чейин диний ишениминен улам кичине болсо дагы кыздарына жоолук салынткан жарандар президент Нурсултан Наразбаевге кайрылуу жасашкан. Бирок өлкөнүн муфтияты "исламдын шарттары боюнча кичине кыздар жоолук салынууга милдеттүү эмес" деген билдирүү тараткан.
