БИШКЕК, 16-сен. — Sputnik. Аралаш мушташ боюнча белгилүү болгон ирландиялык Конор Макгрегор социалдык тармак аркылуу келечектеги атаандашы Хабиб Нурмагомедовду шылдыңдаганын "Известия" басылмасы жазды.
Нурмагомедов өзүнүн Instagram баракчасына сүрөтүн жарыялап, ага "step by step" (акырындык менен) деп жазган.
Ага жооп катары Макгрегор дагы Instagram баракчасына видео чыгарып "Step by step you are getiing stepped on" (акырындык менен тепсендиде каласың) деп жазган.
Учурда Нурмагомедов UFC турниринин учурдагы чемпиону болуп саналат. Ал Макгрегор менен 6-октябрда Лас-Вегаста UFC 229 турниринин алкагында беттешет.
Ирландиялык мушкер Конор Макгрегор буга чейин Хабиб Нурмагомедовдун атасы Абдулманапка карата да акарат келтирген билдирүүсүн Instagram баракчасына жазган болчу. Анда ал Хабиб Нурмагомедовдун атасын коркок жана жасалма сый-урматка татыктуу деп жазган.
