Sputnik Кыргызстан агенттиги август айындагы төб- чачты тик тургузган кылмыш иштерин сунуштайт.
Өлгөндөн кийин зордуктап. Мас болгон 26 жана 33 жаштагы эки киши түндө бир келинди эл жок жерге алып барып сабап өлтүрүп, андан соң зордуктап, уюлдук телефонун алып талаага таштап кетишкен. Иликтөө маалында шектүүлөр маркумду тааныбай тургандыгын айтып, тергөөдө милиционерлер алардын башына желим баштык кийгизип, кылмышты мойнуна алдыргандыгын саймедирешкен. Бирок каза болгон келин менен дүкөндө чогуу жүргөнү видеокамерага түшүп калган. Ошондуктан сот аларга буга чейин чыккан чечимин күчүндө калтырып, аларды 15 жылга темир тор артында калтырды.
Дарыгерди сабаган эргул… Соттолуучу кош бойлуу келинчеги менен УЗИге барып, ал жактан кошумча анализ тапшыруу керек экендигин билет. Үй ээси дарыгерге чалып, процедураларды эрте айтпаганына доомат артып, айтор кер-мур айтыша кеткен. Кызуу кандуу күйөө ооруканага келип медкызматкерди бир нече жолу муштап жибергени айтылат. Жабырлануучу ал үчүн чоң муштумдан 110 миң сом өндүрүп берүүнү суранган. Эркек бир жылга шарттуу кесилип, кошумча 16 миң сом айып салынды.
Кандуу 8-март. Жаз майрамын белгилеп досторкон үстүндө ортурган жубайлар уруша кетет да келинчеги жолдошун бычак менен сайып жиберген. Шектүүнүн айтымында, ага кол салганда коргоонууга аргасыз болгон. Оор жаракат алганына карабай эркек аман калган. Келин сегиз жылга соттолду. Ами анын кичинекей уулу апасыз күн өткөрөт.
Зөөкүр өгөй ата. Эки кыздын апасы турмушка чыгып жаңы күйөөсү менен түтүн булата баштаган. Анда өгөй атасы алгач кыздарга жакшы мамиле кылып, кийин аялы жумушта кармалып калганда оозго алгыс кылыгын баштаган. Үй ээси түндө кыздардын кичүүсүн короого чыгарып салып, улуусу менен үйгө бекинип алат. Жаман оюн ишке ашырган соң "эгер муну бирөө айтсаң апаң менен сиңдиңди өлтүрүп коем"- деп коркуткан. Кичинекей кыз болгон окуянын барын эч кимге айтпай төрт жыл жүргөн. Бул убакыт аралыгында шектүү анын сиңдисин да зордуктап, жада калса аялын төрөтканага жаткызып коюп, жашы жете электер менен эки күн бою жыныстык катнашта болгон. Күндөрдүн биринде аял Бишкекке бир нече күнгө кете тургандыгын кыздарына кабарлаганда улуусу чыдыбай ыйлап жиберген. Ал өгөй атасынын буга чейин кылган былыктарынын баарын айтат. Анын сөзүн дарыгерлер да тастыктаган. Соттолуучу күнөөсүн мойнуна албай, кыйноого алынып көрсөтмө бердим деп жан алакетке түшкөн. Бирок экспертиза ал камакта жатканда ага катара күч колдонулгандыгын аныктай алган эмес. Эми ал өмүрүн аягына чейин түрмөдө болот.
Адам өлтүрүүгө барган ак халатчан. Ооруканада иштеген медайым жашы өтүп калган эркекти көптөн бери дарылап жүрүп анын "сүйгөнүнө" айланып, байлыгына көз арта баштаган. Арам оюн ишке ашыруу үчүн жасалма мурас кагазын жаздырууга нотариус таап, бейтапты өлтүрүүнүн планын ойлоп тапкан. Бирок анын көздөгөнү ишке ашкандан кийин маркумдун жакындары тууганынын өлүмүнө дарыгер күнөөлүү деп чыгышкан. Анткени оорукана көз жумган жаран Бишкектеги үйүн небересине калтыргандын ордуна медайымга жазып берип салган. Териштирүү маалында эксгумация кылынган. Иликтөөнүн жыйынтыгы маркумдун канынан Ысык-Көлдө гана өскөн өсүмдүктөн чыга турган уулуу заттын чыканын көрсөткөн. Арам ойлуу ак халатчан эми 12 жыл өмүрүн темир тор артында өткөрөт.
Sputnik Кыргызстан агенттигинин июль айындагы чуулгандуу сот чечимдерин окуңуздар. https://sputnik.kg/incidents/20180806/1040501965/kyrgyzstan-sottuk-chechim-iyul.html
