БИШКЕК, 4-сен. — Sputnik. Бүгүн, 4-сентябрь унаа, турак жай жана жер салыктарын төлөө мөөнөтүнүн акыркы күнү экендигин салык кызматы эскертти.
"4-сентябрда унаа, турак-жай жана батир, жер салыктарын төлөө мөөнөтү аяктайт. Ушуга байланыштуу, салык кызматы унаа, турак-жай, батир жана жер салыктарын төлөөгө жетишпей калган жарандарды бүгүн кечкиге чейин салыктардын эсептелген суммасын төлөөгө чакырат", — деп айтылат Салык кызматы тараткан маалыматта.
Салыктарды айрым банк мекемелеринин кассаларынан, төлөм терминалдары, мобилдик жана интернет банкинг аркылуу төлөөгө болот.
Эгерде жарандар бүгүнтөн кечиктирилсе, 2 миң сом айып пул салынып, туум чыгары айтылды.
Мындан тышкары, салык төлөө мөөнөтү өткөн ар бир күн үчүн туум эсептелмекчи.
Кеңири маалыматты 194 телефон номуру же www.sti.gov.kg сайтынан алууга болот.
