БИШКЕК, 29-авг. — Sputnik. Саналуу күндөрдөн кийин баштала турган Көчмөндөрдүн дүйнөлүк III оюндарындагы транспорт, шаар ичинен каттоо жана унаа токтотуучу жайлар жөнүндө иш-чаранын логистика жана коопсуздук боюнча координатору Каныбек Таалай уулу айтып берди.
Унаалар кайсы жерлерден текшерилет?
Паркингдер кайсы жерде жайгашкан?
Коноктор үчүн төрт унаа токтотуучу жай иштейт. Биринчиси — Чолпон-Ата шаарынын кире беришиндеги эски аэропорттун аймагында. Экинчиси — шаардын чыгыш тарабындагы №54 ат заводдун ичинде. Үчүнчүсү — "Кырчындагы" этно-шаарчанын түштүк тарабында. Буларга унаасын токтотуу үчүн айдоочулар 30 сом акы төлөшү керек. Төртүнчүсү — "Кырчын" жайлоосундагы көпүрөдөн өтө берген жерде. Бирок ал кадырлуу коноктордун гана унаалары үчүн.
Кырчын жайлоосуна кантип жетебиз?
Бул жолу жайлоого жеңил унаалар бир тараптуу кирип-чыгат. Тагыраагы, Семеновка капчыгайы менен кирип, Григорьев капчыгайы тараптан чыгып кетишет. Ал эми ал ташыган маршруттук таксилер эки тараптуу жүрө берет. Мисалы Семеновка менен киргендер жакага ошол эле жолу менен кайтат.
Жолдо унаа бузулса эмне болот?
Кырчын жайлоосуна бара жатканда бузулуп же токтоого муктаж болуп калган унаалар үчүн жол жээгинде атайын бөлүнгөн жайлар болот. Мындан тышкары, эвакуаторлор иштейт.
Элди кандай транспортто ташыйт?
Чолпон-Ата шаары аркылуу өтчү унааларга тоскоолдук болбойбу?
Оюнга тиешеси жок, жөн гана өтүп бара жаткан унаалар дагы эки посттон тең текшерилет. Бирок алардын жолун улоого эч ким тоскоолдук кылбайт.
Эскертүү: бул күндөрү кадырлуу коноктор өтө турган маалда жол кыймылына чектөөлөр киргизилип турат. Уюштуруучулар тобу муну түшүнүү менен кабыл алууга чакырат.
Баса, бул күндөрү жолдон адашып же кандайдыр бир көйгөйгө учурасаңыз, "1262" атайын номерине байланышыңыз.
