БИШКЕК, 28-авг. — Sputnik. Көчмөндөрдүн дүйнөлүк III оюндары маалында чет элдик жарандар жер-жерлерде калкты мобилдүү тейлөө борборлорунан каттоодон өтө алышат. Бул тууралуу Мамлекеттик каттоо кызматы билдирди.
Аталган иш-чара чет элдик коноктор үчүн мамлекеттик каттоо кызматтарынын жеткиликтүүлүгү жана ыңгайлуулукту камсыздоо максатында уюштурулууда.
Каттоодон өтүү үчүн чет элдиктер буларды билүүгө тийиш:
белгиленген формадагы кат (өтүнүч кат);
чет элдик жарандын ким экенин тастыктоочу паспорт же аны алмаштыруучу документ;
мамлекеттик алымдын төлөнгөндүгү жөнүндө дүмүрчөк.
Кененирээк маалыматты Мамлекеттик каттоо кызматынын 119 колл-борборунан алууга болот, чалуу акысыз.
КРдин мыйзамдарына ылайык лкөгө келген чет өлкөлүк жарандар 5 күндөн кийин каттоодон өтүүгө тийиш.
Чет өлкөлүк жарандарды каттоо үчүн зарыл болуучу документтердин тизмеги менен шилтеме аркылуу кирип таанышууга болот.
Ал эми 92 мамлекеттин жарандары Кыргызстанга ээн-эркин кирип чыга бере алат.
