Кеңешмеде каарданган Белоруссия президенти Александр Лукашенко бир нече министрлерди кызматтан шыпырды.
Алар Өнөр жай, архитектура жана курулуш министрлери деп кабарлады ОНТ телеканалы.
Кызматкерлердин тагдырын чечкендигин президент Оршан районун өнүктүрүү боюнча тапшырмасынын жыйынтыгын билгенден кийин айткан.
Президенттин ачууланып жаткан видеосу YouTube каналына жайгаштырылган.
2017-жылы Лукашенко Оршан районун алдыңкы аймактарга кошуу тапшырмасын бергени менен өкмөт так аткарган эмес.
Президент кеңешмеде райондук аткаминерлерден өкмөткө чейинкилердин ишин сынга алып, буркан-шаркан түшкөн. Анын айынан эки министр жана Оршан районунун аткаруу комитетинин жетекчиси кызматынан кол жууган.
Чырлуу районду өнүктүрүү ишинен өкмөт четтетилип, ал президенттик башкармалык менен мамлекеттик көзөмөл комитетине өткөрүп берилген.
